اِدريس لغاري

اِدريس لغاري: ليکڪ، محقق، مترجم ۽ نقاد اِدريس لغاريءَ پھرين فيبروري 1984ع تي هادي بخش لغاريءَ جي گهر، ڳوٺ حاجي سومر خان لغاري، تعلقي سنجهوري، ضلعي سانگهڙ ۾ جنم ورتو. سندس تعليم ايم اي (ماس ڪميونيڪيشن) ۽ ايل. ايل. بي آهي. هن لِکڻ جي شروعات ٻاراڻن ۽ اَدبي رسالن: گلستان، گلزارِ سنڌ، شاگرد تحريڪ ۽ فرينڊز کان ڪئي. سانگهڙ سماچار (پندرهن روزه اَخبار) ۽ ٻين ۾ ايڊيٽر ۽ اَسسٽنٽ ايڊيٽر طور ڪم ڪيو. سندس ڇپيل ڪتابن ۾: ’ذوالفقار علي ڀُٽي جي سياست ۽ حڪومت تي هڪ نظر‘، ’بينظير ڀٽو جي سياسي ۽ حڪومتي پاليسين جو جائزو‘، ’سندو ذات جواب‘ (رسول بخش پليجي جي شخصيت تي ترتيب ڏِنل)،، ’ڪراچي مان سنڌين کي بي دخل ڪرڻ جون سازشون، فيصلا ۽ عمل‘ (1988ع کان ڊسمبر 2021ع تائين)، ’نوڪري ڪندڙ عورتن کي جنسي طور خوفزده ڪرڻ خلاف قانوني مسودو 2010ع‘ (اَنگريزيءَ مان سنڌيءَ ۾ ترجمو) ۽ ’گهريلو ڏاڍُ جي خاتمي جو بل 2012ع‘ شامل آهن. سندس 300 کان وڌيڪ سياسي، فڪري، اَدبي ۽ تحقيقي مضمون ۽ ڪالم سنڌ جي مختلف اخبارن ۽ رسالن ۾ شايع ٿي چڪا آهن. اِدريس لغاري هڪ تحقيقي، علمي ۽ تربيتي اداري ’سينٽر فار پيس اينڊ سول سوسائٽي‘ ۾ پروگرام آفيسر جي حيثيت سان ڪم ڪري چڪو آهي.

داخلا ۾ استعمال ٿيل تاريخون

1984.02.01  عيسوي

ليکڪ، محقق، مترجم ۽ نقاد اِدريس لغاريءَ پھرين فيبروري 1984ع تي هادي بخش لغاريءَ جي گهر، ڳوٺ حاجي سومر خان لغاري، تعلقي سنجهوري، ضلعي سانگهڙ ۾ جنم ورتو.

شخصيتون - ڀاڱي جون ٻِيون داخلائون